Айшабибі орта мектебінде 28.09.2022 ж  "Ұстаздарға мың алғыс" атты ардагер ұстазымыз Досмұратова Теңгегүл Қожахметқызы мен кездесу өткізілді.Кездесуге 5-9 сынып оқушылары қатысты.Шәкірттерін білім нәрімен 40 жыл сусындатып, тәлім-тәрбие беріп жақсы қасиеттерді бойына дарытып, адамгершілік рухта бағыт-бағдар берген Теңгегүл апайымыз біз үшін әрдайым қасиетті тұлға ретінде ерекшеленеді.Сондықтан ардагер ұстаздар оқушы жүрегінде ұмытылмас іс қалдырады. 

Бүгін мектебімізде ұлылардың Оралхан Бөкей, Мұхтар Әуезов, Шерхан Мұртазаның туған күнімен тұспа-тұс "Жыр шұғыла" таңғы әдеби жиыны өз жұмысын бастады.Арайлап атқан таңмен тасала өтетін жиынның басты мақсаты оқушылардың шығармашылық қабілеттерін дамыту, өлеңді нақышына келтіріп, көпшілік алдында өзін еркін ұстап, жатқа айтып беруге дағдыландыру.Ақын жазушылардың шығармаларын жатқа айту арқылы, сол шығармаларды есту арқылы бала бойына рухани, ұлттық, адами құндылықтарды қалыптастыру.

Ұстаз болу - жүректің батырлығы, Ұстаз болу - сезімнің ақындығы, Ұстаз болу - мінездің күн шуағы, Азбайтұғын адамның алтындығы! Барша мұғалімдер қауымын келе жатқан мерекемен шын жүректен құттықтаймыз! Қанаттарыңыз талмасын! Ізгі ниетпен, ағылшын тілі бірлестігі.