“Ешкім де, ешнәрсе де ұмытылмайды” тақырыбында «Ұлы Отан» соғысы тыл ардагерімен кездесу ұйымдастырылды

9 мамыр Жеңіс күніне орай “Патриот” айлығы шеңберінде “Ешкім де, ешнәрсе де ұмытылмайды” тақырыбында АӘжТД жетекшісі А.Дузелбаев «Ұлы Отан» соғысы тыл ардагерімен кездесу ұйымдастырды. Ұлы Отан соғысының аяқталғанына биыл 78 жыл. Бұл жеңіске жету жолында жастайынан еңбекке араласқан тыл ардагерлерінің де үлесі зор. Сол сұрапыл соғыс жылдарында еңбек еткендердің бірі Курманкулов Жанша. Жамбыл облысы, Айшабибі ауылында дүниеге келген.
8 жасында әкесі соғысқа аттанған соң Жанша анасы мен әпкесіне көмектесу үшін тылда еңбек еткен.
Оқуды аяқтап көп жыл экспедитор болып жұмыс істеген.
Тылдағы әрбір адам майдан даласын керек жарақпен қамтамасыз етіп отырды.
Тынымсыз еңбекпен жеңіске деген сенім тылдағы жандарға күш қуат бергені сөзсіз, қандай қиындық болсада ешкім мойыған жоқ.
Мектебіміздің 11”Б” сынып оқушылары атамызға барып, әңгімелесіп, көмек қолын созып қайтты.